ఆరంభించెద యేసు నీలో ప్రతీదినం

ఆరంభించెద యేసు నీలో ప్రతీదినం
ఆనందించెద యేసు నీలో ప్రతీక్షణం
ఆస్వాదించెద నీ మాటలమాధుర్యం - 2
ఆరాధించెద నిన్నే నిత్యం - 2 'ఆరంభించెద

నీ సన్నిధిలో ప్రతి ఉదయం ఆలించెద నీ మధుర స్వరం
అరుణోదయమున నీ సహవాసం - 2
నింపును నాలో నూతన ధైర్యం - 2 'ఆరంభించెద

నీ చిత్తముకై ప్రతి విషయం అర్పించెద నీ కృప కోసం
వేకువ జామున నీ ముఖదర్శనం - 2
పెంచును నాలో ఆత్మవిశ్వాసం - 2 'ఆరంభించెద

నా పెదవులతో ప్రతినిమిషం స్తుతియించెద నీ ఘననామం
దినప్రారంభమున నీ ప్రియజ్ఞానం - 2
కాల్చును నాలో అహము సర్వం - 2 'ఆరంభించెద